Þann 28. júní ætlum við að halda upp á 30 ára afmæli félagsins og vonumst til að sjá sem flesta mæta og taka þátt í deginum með okkur.
Afmælishátíðin verður hluti af Landsmóti 50+ sem verður haldið hér í hverfinu síðar í mánuðinum. Við ætlum að búa til notalega og skemmtilega stemningu fyrir alla fjölskylduna þar sem fólk getur komið saman, spjallað, rifjað upp gamlar minningar og átt góðan dag saman.
Það verður meðal annars boðið upp á:
- Grillaðar pylsur og drykki
- Hoppukastala
- Andlitsmálun fyrir krakkana
- Tónlist og góða stemningu
- Leiki og skemmtilega afþreyingu fyrir alla aldurshópa
Þrjátíu ár er stór áfangi og við viljum nota tækifærið til að þakka öllum þeim sem hafa verið hluti af starfinu í gegnum árin. Hvort sem þú ert núverandi félagsmaður, fyrrverandi iðkandi, foreldri, sjálfboðaliði eða einfaldlega aðdáandi félagsins þá ertu hjartanlega velkomin(n).
Taktu daginn frá, kíktu við og fagnaðu með okkur.
Við hlökkum til að sjá ykkur 28. júní!
Til baka í fréttir
