Skráning í íþróttagreinar UMF Samherja

Það er okkur ánægja að tilkynna að Samherjar hafa nú innleitt skráningakerfið Sportabler. Kerfið mun halda utan um skráningu í íþróttagreinar, innheimtu æfingagjalda ásamt því að vera samskiptakerfi milli foreldra og þjálfara. Hvetjum við foreldra/iðkendur að sækja Sportabler appið, en í gegn um það er hægt að halda utan um öll samskipti og sjá allar upplýsingar um æfingar, leiki og mót sem þjálfari setur inn. Þar er einnig hægt að senda skilaboð á alla forráðamenn í einstaka flokkum. Sömuleiðis er hægt að tilkynna forföll í gegnum appið, en þjálfarar munu einnig halda utan um mætingu í gegnum kerfið.

Til þess að skrá í íþróttagreinar er farið inn á:

​

https://www.sportabler.com/shop/samherjar. Þar opnast einskonar vefverslun, þar sem greinarnar eru tíndar inn í körfuna. 

​

Æfingagjald vorannar 2023 er 20.000kr. en eins og áður þá er greitt fyrir fyrstu íþróttagreinina en frítt í þær sem á eftir koma.

 

Við minnum á að nauðsynlegt er þó að skrá í allar þær íþróttagreinar sem iðkandi ætlar að iðka.

 

Fullorðnir sem stunda blak eða bandý greiða 20.000 krónur í æfingagjöld. Ef þeir kjósa að bæta við sig þreki t.d. kostar það kr. 5.000 aukalega. Eða ef fullorðinn skráir sig í þrek, kostar það kr. 15.000 og þá er aukagrein á kr. 10.000. Þannig að heildaræfingagjöld fullorðinna fara aldrei hærra en í kr. 25.000.

​

Þegar greitt er fyrir íþróttagreinar í gegnum Sportabler er hægt að vista eða prenta út kvittun sem hægt er að nota til að sækja um frístundastyrk til sveitarfélagsins. Einnig kemur kvittun úr kerfinu í tölvupósti til greiðanda. 

​

Stjórn Samherja

​

Ef þið lendið í vandræðum með skráningu, getið þið farið inn á hjálparsíðu okkar með því að smella HÉR.

​

​